Disa mënyra për të përmirësuar marrëdhëniet tuaja familjare

LIDHJET E FORTA FAMILJARE PËRMIRËSOJNË SHËNDETIN DHE MIRËQËNIEN TONË EMOCIONALE.

Familja është themeli mbi të cilin bazohet pjesa më e madhe e lumturisë, suksesit dhe mirëqenies tuaj fizike dhe emocionale. Nëse marrëdhëniet tuaja familjare janë të paqëndrueshme, kjo mund të shkaktojë efekte negative që ndikojnë në punën, miqtë, financat, madje edhe shëndetin tuaj. Ndjenjat e lidhjes dhe sigurisë që vijnë nga marrëdhëniet e forta familjare mund t’ju japin forcën që ju nevojitet për të përballuar sfidat e jetës dhe për të përmbushur qëllimet tuaja.

Disa nga shkaqet kryesore të uljes së shëndetit emocional të familjeve janë ndryshimet në strukturën e familjes, problemet shëndetësore, çështjet e prindërimit ose marrëdhënieve, vështirësitë në karrierë dhe sfidat financiare. Stresi afatgjatë në familje – edhe nëse stresorët duken të vegjël – mund të ketë gjithashtu një ndikim të rëndësishëm.

Shumë prej nesh janë kaq të zënë duke ruajtur ekuilibrin mes detyrave dhe presioneve të përditshme, saqë nuk fokusohemi sa duhet në ndërtimin dhe ruajtjen e marrëdhënieve tona më të ngushta. Familjet synojnë të ofrojnë një strehë të sigurt, duke shërbyer si një grup i qëndrueshëm individësh që kapërcejnë kohën dhe rrethanat e jetës. Këtu janë disa mënyra për të përmirësuar marrëdhëniet tuaja familjare.

1. Mësoni cilat janë pikat e tyre të forta dhe përdorini ato për të kapërcyer pengesat dhe për të qëndruar bashkë.

2. Bazat e respektit. Respekti lidhet me mënyrën se si anëtarët e një familje ndihen dhe mendojnë për njëri-tjetrin dhe se si ata ndërveprojnë me njëri-tjetrin. Tregoni respekt nëse e konsideroni lumturinë e anëtarëve të familjes suaj dhe e vendosni atë të barabartë me tuajën.

3. Investimi me vlerë në familje. Çdo gjë që na intereson vërtet kërkon investim kohe dhe energjie. Sigurohuni që ju dhe të gjithë anëtarët e familjes tuaj të bëni një përpjekje të përbashkët për të kaluar kohë së bashku, të mendoni për njëri-tjetrin dhe të punoni për të qenë një njësi e fortë dhe e lumtur.

4. Komunikim! Komunikimi kërkon përpjekje; nuk ka të bëjë vetëm me një bisedë. Përqëndrohuni të dëgjoni dhe kuptoni se çfarë po përpiqet të thotë anëtari i familjes. Gjeni kohë për të punuar në aftësitë e komunikimit duke lënë celularët dhe pajisjet e tjera jashtë tryezës së darkës, në mënyrë që të mund të ndërveproni me njëri-tjetrin.

5. Konsideroni vlerën e argëtimit dhe të qeshurës. Të gjithë e dimë se lumturia mund të jetë ilaçi më i mirë fizikisht, psikologjikisht dhe shpirtërisht. E qeshura dhe argëtimi janë rrugë të garantuara drejt lumturisë. Planifikoni kohën që familja juaj të bëjë aktivitete të përbashkëta që i pëlqejnë të gjithëve: të luani lojëra së bashku, të bëni një luftë me tullumbace uji ose me top bore në natyrë.

6. Vendosni qëllime dhe punoni për arritjen e tyre. Një nga mënyrat më të mira për t’u lidhur është të kesh tradita, vlera dhe qëllime të përbashkëta. Nëse i keni zhvilluar tashmë disa, bëni çmos për të vazhduar atë që keni filluar. Uluni për të diskutuar dhe forcuar vlerat, planifikoni se si do t’i arrini qëllimet së bashku.

7. Zgjidhja e problemit në grup. Një nga gjërat më të mëdha të familjes është se ju mund të mbështeteni tek njëri-tjetri për këshilla dhe mbështetje. Planifikoni  takime familjare për të zgjidhur dilemat e rëndësishme ose për të planifikuar aventurën tuaj të fundjavës së ardhshme. Ndani gëzimet tuaja me njëri-tjetrin si dhe sfidat tuaja.