Pesë kuriozitete befasuese për muzikën që mbase nuk i dinit

Muzika është një art universal që bashkon të gjitha kulturat e botës.

Çdo ditë, miliona njerëz dëgjojnë këngë, kërcejnë dhe këndojnë në koncerte, por jo të gjithë e dinë se bota e muzikës fsheh shumë kuriozitete zbavitëse.

Në vitin 2016, Mozart shiti më shumë CD se Beyonce- Në tetor 2016, Universal Music Group publikoi një kuti me 200 CD për të përkujtuar 225 vjetorin e vdekjes së Mozart. Seti i kutive, i quajtur ‘Mozart 225: The New Complete Edition’, ka shitur mbi 1.25 milion kopje sipas Billboard duke kaluar edhe këngëtaren Beyonce.

Koncerti më i madh pa pagesë rock- Siç konfirmohet nga Guinness World Records, Rod Stewart luajti në koncertin më të madh “free rock” ndonjëherë. Koncerti u zhvillua në vitin 1993 në plazhin Copacabana në Rio de Zhaneiro, Brazil. Ai koncert ishte u ndoq nga rreth 4.2 milionë njerëz.

Muzikë edhe në hapësirë- Chris Hadfield publikoi albumin e tij të parë në 2015, i cili u regjistrua ndërsa ai ishte në orbitë në hapësirë, në të njëjtën kohë, ai u bë gjithashtu kanadezi i parë që eci në hapësirë.

Asnjë nga Beatles nuk mund të shkruante apo lexonte muzikë- Siç pranoi Paul McCartney gjatë një interviste të vitit 2018, asnjë nga Beatles nuk mund të shkruante apo lexonte notat muzikore.

MacDonald Stradivarius Viola-MacDonald Stradivarius Viola është instrumenti muzikor më i shtrenjtë i ofruar ndonjëherë për shitje, çmimi i saj është 45 milionë dollarë. Ajo është emëruar pas pronarit të saj në shekullin e 19-të. MacDonald Stradivarius Viola është një nga 10 violat Stradivarius në mbarë botën që janë në gjendje të mirë dhe të paprekur./oranews.al