Nga pagesa që merr për një dasmë, te sherri në Selanik, Devis Xherahu flet hapur

Këngëtari i njohur shqiptar Devis Xherahu ishte i ftuar mbrëmjen e djeshme në “Top Arena”.

Gjatë një interviste të shkurtër Xherahu ka thyer heshtjen për disa aludime të fansave në lidhje me karrierën dhe jetën e tij personale. Nëse merr 100 mijë euro për një dasmë, apo nëse është e vërtetë që e kanë përjashtuar nga performanca në njē buzuk, këngëtari përgjigjet kështu:

Pjesë nga intervista:

A është e vërtetë që për çdo dasmë merr nga 100 mijë euro?

Devis: Edhe Don Xhoni nuk merr 100 mijë euro, janë shumë për nivelin në shqipëri.

A do ta përfaqësosh Greqinë vitin tjetër në Eurovizion?

Devis: Nuk më është bërë ndonjë ofertë e tillë, por e kam menduar kur shikonim suedezen që përfaqësonte Greqinë. Thjeshtë ngeli një ide.

A ke harxhuar 100 mijë euro për pushime në Santorini?

Devis: Jo nuk është e vërtetë

A është e vërtetë që të kanë përjashtuar nga performanca në një buzuk?

Devis: Jo por kam bërë një debat dhe fitova unë. Kam qenë në Selanik. Kishte humbur diçka te ajo dhoma që rrija unë me disa muzikantë dhe më akuzoi që e kam marrë unë. Fjala zuri fjalën dhe kur nuk ka më vend fjala ka dora. U kapëm dhe u përjashtua ai sepse unë kisha të drejtë.