Thonjtë në nuancën chocolate cherry (çokollatë qershi) janë një ekuilibër perfekt mes dy klasikëve të manikyrit dimëror (borgogna dhe bordeaux-ngjyra të kuqërremta), të cilat i ndan vetëm një nuancë e lehtë. “In medio stat virtus” – bukuria qëndron në mes – dhe këto thonj të errët e magjepsës, me një nuancë të lehtë të të kuqes së errët, janë zgjedhja ideale për këtë periudhë të dimrit.
Jennifer Lopez i rikthen në modë thonjtë Chocolate Cherry
E fundit që ka sjellë në vëmendje këtë trend është Jennifer Lopez, e cila ka shkëlqyer me një manikyr të përkryer, krijuar nga artisti i njohur i thonjve Tom Bachik. Për realizimin e saj, ai ka përdorur një nuancë specifike: Gel Couleur Blood Moon nga Aprés Nail.
Ky tonalitet përfaqëson një çokollatë të thellë dhe të dendur, me reflekse të lehta qershie, të cilat falë një shkëlqyesi të sipërm, marrin një pamje edhe më të qëndrueshme dhe të ndritshme.
Si të krijoni një manikyr Chocolate Cherry
Gjetja e nuancës së përsosur nuk është gjithmonë e thjeshtë, pasi thonjtë chocolate cherry ndodhen pikërisht mes dy ngjyrave të forta – të kuqes dhe kafesë.
Në salon, manikyri mund të arrihet lehtësisht duke kombinuar dy tonalitete të ndryshme. Ky teknikë përdoret shpesh për të krijuar një efekt unik dhe të personalizuar. Në fakt, rezultati përftohet nga mbivendosja e dy ngjyrave të ngjashme:
Një shtresë kafe mbi një bazë të kuqe për një efekt më çokollatë.
A mund ta realizoni vetë këtë trend?
Në shtëpi, arritja e këtij efekti mund të jetë pak më e vështirë, veçanërisht për manikyrin semipermanent. Megjithatë, nuk ka arsye për t’u shqetësuar, pasi gama e gjerë e ngjyrave në treg tashmë përfshin nuanca të ndryshme të chocolate cherry, duke ofruar alternativa të përshtatshme për çdo stil.
Ky tonalitet është kthyer në një trend të madh, jo vetëm për dimrin, por për të gjithë vitin. Pinterest dhe Instagram janë të mbushura me ide frymëzuese, dhe nuk është vetëm falë J.Lo!/Living.al
Discussion about this post