Macaulay Culkin (Kevin) pati një marrëdhënie shumë të vështirë me babanë e tij, Kit Culkin, e cila çoi në një shkëputje të plotë mes tyre. Problemet mes tyre filluan që kur Macaulay u bë i famshëm si fëmijë me filmin Home Alone dhe vijuan gjatë gjithë adoleshencës së tij.
Kit Culkin, i cili ishte gjithashtu aktor por nuk pati kurrë suksesin e të birit, filloi të menaxhonte karrierën e Macaulay-t kur ai u bë i njohur. Sipas të birit, ai ishte shumë kontrollues dhe abuziv, duke e detyruar Macaulay-n të punonte pa pushim dhe duke i bërë presion për të marrë role, pavarësisht nëse ai i dëshironte apo jo. Në shumë raste, ai u raportua si agresiv dhe i dhunshëm ndaj familjes.
Aktori 44-vjeçar foli në podcast të Kate dhe Oliver Hudson “Sibling Revelry” ku tregoi gjerësisht për përvojat traumatike që kishte me të atin që në fëmijëri.
“Një nga kujtimet e mia më të hershme për të ishte të mendoja; Kur të rritem, nuk do t’i trajtoj fëmijët e mi ashtu,” tha Culkin.
Aktori, i cili tani ka dy djem, Dakota dhe Carson, me partneren e tij Brenda Song, vuri në dukje: Tani që kam fëmijë të mi, gjërat po zgjohen brenda meje. Nuk mund ta besoj se ai u soll kështu. Ai kishte fëmijë kaq të mrekullueshëm. Ai ishte i çmendur. Dhe asnjëri prej tyre nuk dëshiron të ketë lidhje me të.
Ai tregoi se babai i fshihte gazetat që tregonin se sa fitonte aktori i vogël. “Unë arrita pa mbushur akoma 10 vjeç gjithçka që ai kishte ëndërruar gjatë jetës së tij.
Macaulay tha se beson se babai i tij ende nuk i njeh gabimet e tij: Kam ndjenjën se ai mendon se nuk ka bërë asgjë të keqe. Unë nuk doja të bëja asgjë me babanë tim të vërtetë.
Beteja ligjore për pasurinë
Kur Macaulay ishte 15 vjeç, ai ndërmori një hap të madh ligjor për të hequr prindërit e tij nga menaxhimi i financave të tij, duke e bërë vetë gjykata administratore të pasurisë së tij.
Pas kësaj, ai e ndërpreu çdo kontakt me të atin dhe nuk kanë folur për vite me radhë. Macaulay ka thënë në intervista se nuk ka më asnjë marrëdhënie me të dhe nuk ndjen nevojën ta ketë në jetën e tij. Ndërkohë, Kit Culkin është tërhequr nga jeta publike dhe ka qëndruar larg vëmendjes mediatike. Në një intervistë disa vite më parë ai tha se nuk e konsideron Macaulayn më djalin e tij./Living.al
Discussion about this post