Aktori i njohur Van Damme është akuzuar për krime seksuale në Rumani. Ylli i aksionit dyshohet se ka fjetur me pesë gra edhe pse e ka ditur se ishin të trafikuara nga një grup kriminal i drejtuar nga Morel Bolea.
Sipas kallëzimit penal nëpërmjet Drejtorisë Rumune për Hetimin e Krimit të Organizuar dhe Terrorizmit (DIICOT), Van Damme iu dhanë pesë gra rumune si “dhuratë” në Kanë. Gratë ishin modele në Rumani. Adrian Cuculis, një avokat i njërës prej grave, tha në një deklaratë të përkthyer nga Page Six se ato ishin “në një gjendje vulnerabiliteti” dhe se personi që i priti “e dinte gjendjen e tyre. Nga deklaratat e dëshmitarëve, është shumë e qartë se Jean-Claude Van Damme e dinte se këta njerëz po shfrytëzoheshin”.
Incidenti me Van Damme është pjesë e një hetimi më të madh për trafikimin e qenieve njerëzore nga Bolea. Hetimi filloi në vitin 2020 në Rumani.
Nëse Gjykata e Lartë e Kasacionit në Francë autorizon procedimin penal, të dyshuarit do të thirren në Rumani për të dhënë deklaratat përkatëse.
Discussion about this post