Katër zgjidhje të shpejta për flokët me yndyrë

Flokët e yndyrshëm mund të kthehen në një bezdi shumë shpejt dhe zgjidhja më efikase për to duket sikur është dushi.

Megjithatë ekspertët nuk e rekomandojnë gjithnjë, larja e tepërt e flokëve mund t’i prishë dhe të përkeqësojë problemin në flokët tuaj.

Në këtë artikull AgroWeb.org ju tregon se si të kujdeseni për flokët me yndyrë pa i larë shpesh ato.

Një nga mënyrat më të mira e natyrale për të balancuar flokët e yndyrshëm pa dyshim që është aloe vera.

E mbushur me antioksidantë dhe plot vlera ushqyese ajo do të ndihmojë edhe në daljen e flokëve të rinj.

Mjafton të hidhni në një enë 3 lugë gjelle me lëng limoni, 1 lugë gjelle me xhel aloe vera dhe 200 ml shampo flokësh.

Përziejini të gjitha këta përbërës dhe lani flokët me ta dy herë në javë.

Shumë shpejt do të shihni ndryshime në përbërjen e shëndetin e flokëve tuaj.

Në një çajnik të vogël shtoni gjysmë gote me ujë dhe 2 lugë gjelle çaj të zi ose dy bustina.

Vereni të ziejë për disa minuta derisa të shikoni që çaji ka lëshuar esencën e më pas kulloni uji ose hiqni bustinat.

Ujin që përfituat lëreni të ftohet paksa dhe lyeni me të rrënjët e flokëve tuaj duke masazhuar me lëvizje rrethore duke e lënë për 20 minuta.

Në fund shpëlajeni kokën me ujë të vakët.

Limoni ka veti kurative për shumë pjesë të trupit dhe sidomos në lëkurë dhe flokë.

Për këto të fundit mund t’ju ndihmojë që të largoni yndyrën e tepërt.

Shtrydhni rreth 200 ml lëng limonësh të freskët, bashkonjini me 100 ml ujë dhe hidheni këtë masë në flokët tuaj.

Lëreni të thahet për 10-15 minuta e më pas shpëlajini flokët me ujë të ftohtë.

Kombinimi i vezëve me lëngun e limonit mund të bëjë mrekulli për flokët tuaj.

Merrni dy të verdha vezësh, shtoni në to lëng limoni dhe përzieni mire.

Këtë masë merreni pak nga pak në duart dhe vendoseni tek rrënjët e flokëve tuaj nëpër të gjithë kokën.

Lëreni të thahet për 10 minuta e më pas shpëlajeni kokën me shampo si zakonisht.