I ngacmuan të dashurën?Blero zihet në festën e BBVK

Të premten ka qenë një mbrëmje e zjarrtë në spektaklin, Big Brother VIP Kosova, që shpalli dhe fituesin.

Në fund fitues u zgjodh ish-futbollisti Lumbardh Salihu nga Vitia, i cili siguroi më së shumti vota në televotimin për fituesin, i cili zgjati për një javë të tërë.

Siç raportohet në media në “After Party” ka ndodhur një incident. Bëhet fjalë për Bleron, i cili dyshohet se u konfrontua fizikisht me sigurimin e televizionit.

Sipas mediave në Kosovë, përleshja dyshohet se ndodhi pasi pjesëtarët e sigurimit kanë kërcënuar të dashurën e Bleros, dhe ky i fundit ka ndërhyrë.

Pas ndërhyrjes së Bleros, dyshohet se sigurimi ka sulmuar edhe fizikisht këtë të fundit.

Artisti reagoi pas këtij lajmi ku u shpreh se nuk bëhet fjalë për konfrontim fizik por vetëm një ngatërresë të vogël, e cila sipas tij u zgjidh shumë shpejt.

“Nuk bëhet fjalë për rrahje. Ishte një ngatërresë e vogël që u zgjidh shpejt. Si zakonisht, për tituj bombastik, ngjarjet zmadhohen në portale,” duke mos treguar më shumë detaje se çfarë ndodhi në të vërtetë mes tij dhe rojes së sigurimit.